24
февраль
2023
Ілияс Жансүгіров - «Қазақ жырының Құлагері»
26-ақпан «қазақ поэзиясының Құлагері» атанған, жан-жақты талант иесі, тамаша лирик, эпик ақын, көп томды роман жазуды жоспарлаған сұңғыла жазушы, драма, трагедияларды дүниеге әкелген драмматург, сын-сықақ, фельетон жанрын әдебиетінде орнықтырған сатирик қаламгер, әдебиет зерттеушісі, прозашы, журналист, аудармашы, қоғам қайраткері Ілияс Жансүгіровтың жазықсыз жапа шегіп, өмірден озған күні
Оның поэзиясы ұлттық әдебиеттің классикалық байлығының қатарына жатады. Ақынның терең идеялы, көркем мүсінді, эпикалық кең тынысты шығармаларының танымдық, тәрбиелік мәні зор.
24 ақпан күні «Қазақ жырының Құлагері» атты Ілияс Жансүгіровты еске алуға арналған әдеби-музыкалық кеші өтті. Дәстұр бойынша Ұлы ақынның немересі Ажар Жандосова мен шөбересі Дәмелі кешіміздің қәдірлі қонағы болып, ақынның өмірі мен шығармашылығы жайлы ой шертті.
